EIE (EUROPAKO GIZARTE-FONDOAREN HELBURUA):

EIE egitasmoa (Enkarterriko Informazio Elkartea) Europako Gizarte-Fondoak, Eusko Jaurlaritzak, Bizkaiko Foru Aldundiak eta Mankomunitateak berak diruz lagundurikoa, zenbait urtetarako proiektua da, hain zuzen, 2000 urtean hasi eta 2006an bukatuko da.

Helburu nagusia honakoa da, enpresa eta jardunean nahiz langabezian dauden langileen artean, sistema informatiko eta telekomunikazio sare telematikoen erabilpena zabaltzea, enpresa guztien arteko lehiakortasunaren hobe beharrez. Eskualdeko giza baliabideak eta materialak Informazio Elkarteari egokitzeko asmoz, enpresa multzoaren eta langabetuen ikerketa hartu da abiapuntutzat. Horren ostean, eta ikerketaren emaitzak ikusirik, aurkitutako beharrizanei hoberen egokitzen zaizkien neurriak eta jarduerak zehaztuko dira.

Aurtengorako aurreikusi diren jardueren artean, nabarmentzekoa da jardunean nahiz langabezian dauden langileentzako prestakuntza hurrengo arlo hauetan: Kontabilitatea, ordenagailu bidezko Nominak eta Fakturazioa, Web orrien diseinua eta Oinarrizko Ofimatika. Berauek, Gordexolan, Gueñes, Sopuerta eta Zallan irakatsiko dira.

Ondoren, 20 enpresari Auditoria informatikoak egingo zaizkie, beren ekoizpen beharrizanei hoberen egokitzen zaizkien sistema eta ekipamendu informatikoak zehazteko asmoz. Era berean, inguru ekonomiko orokor eta aldakorrak ezartzen dituen erronkei eta lehiari aurre egiteko gaitasuna hobetuko dute.

Aurten ere, Eskualdeko zenbait enpresarentzat 20 web orriren diseinua egiten hasiko da. Era honetan, ingurunearekiko komunikazio telematikoaren bidez, enpresa horiek merkatuan duten presentzia areagotu ahal izango dute eta baita, ahalik eta balizko bezero gehien erakarri ere.

Enkarterriko enpresa guztiak web orri honetako enpresa Direktorioaren barruan daude. Aipatu orria ere izan da egitasmoaren ekitaldi guztietariko bat.