BERTAKO ARRAZA ERAKUSKETA EL CARPIN-EN:

Ekimen hau, Bertako Arraza Kudeaketarako Programa barruan dagoena, erakunde eta elkarte ekoizleen arteko lankidetzari esker jaioa da. Kudeaketarako eta antolakuntza eta koordinazio teknikorako euskarria Enkarterrin eta Parke Ekologikoan dago, eta Gune horrexek burutzen ditu beharrezko sustapen- eta dibulgazio-lan guztiak, Bizkaiko Foru Aldundiak ezarritako ildo eta zuzendaritzapean.

Plangintza honek azpimarratzen ditu, besteak beste, ardura berezia sortarazten dien bi arlo. Batetik, bertako faunaren kontserbazioa eta Guneari kalitateko bereizgarria ematea, gainontzeko ekipamendu eta instalazioetatik bereizi eta nabarmentzen duena: Bertako Euskal Arrazen Ikerketa, Sorkuntza eta Erakusketa Zentro Berezitua.

EAEn galtzeko bidean dauden bertako arrazen esparruan egiten ari diren jarduerak, arrazen ezaugarrietan eta errolda kontrolean oinarritzen dira. Gaur egun, arraza guztietarako elkarteak daude, Monchina, Enkarterriko Villanuco, Sasi Ardi, Azpi Gorri eta Ahuntz pirenaikoa izan ezik, baina guztiak hartzen dituen Elkarterik ez dago EAEko Lurraldeetan. Hala ere, lan egiten ari da horretan eta Pottokarekin lehen urratsak ari dira ematen. Hori dela eta, El Carpin-eko Kudeaketa Plangintza Osoak uste du komenigarria eta beharrezkoa litzatekeela Arraza guztiak hartzen dituen Proiektu bat eratzea. Honako hauetan oinarritu ahal izango litzateke:

	Kudeaketa, koordinazio eta kontrolerako erakunde baten sorrera
	Sustapenerako ekintzak, esaterako, Landetxe-Zoologikoak, Nekazal Museoak, erakusketak...