FAUNA ETA NATURA ESKOLA:

1. Xede orokorrak:

Proiektu honek dituen helburu nagusiak hurrengoak dira: lehenik, gazteei zuzenduriko ingurumen-prestakuntzako programak ezartzea eta bigarrenik, ostatu erako egonaldiak erraztea, izadia eta faunaren babesaren aldeko baloreak sustatzen dituzten helburu didaktikoak dituztelarik.

Xede horri begira, Fauna eta Natura Eskolak bultzatu nahi dituen helburu orokorrak hurrengoak dira:

	Aniztasunaren kontserbazioari laguntzea.
	Bertako eta iberiar faunaren balioak bultzatzea, habitat egokien baldintzapean.
	Kokatuta dagoen ingurunea sustatzen laguntzea.
	Parke Ekologikoaren erabilera didaktikoa eta dibulgaziozkoa hobetzea.
	Faunari buruzko prestakuntza berezitua eta gizarte-garapeneko programak zein ikerketa zientifikoa suspertzea.
	Eskualdeko azpiegitura publikoei erabilpen egokia ematea, hain zuzen, Bizkaiko El Carpin Parke Ekologikoaren instalazioak.

2- Fauna eta Natura Eskolako lana:

Arestian aipatu diren xedeak lortzen laguntzen diguten programak garatzeko, gehienez 38 laguni (taldeak) ostatu emateko lekuak egokitu nahi ditugu, Bizkaiko Parke Ekologikoaren baserriaren birmoldaketa eta egokitzapenaren bidez.

Labur esanda, azpiegitura berri honi esker, egun batzuetako egonaldiak antolatu ahal izango ditugula esan dezakegu eta zehatz-
-mehatz aipatuz:

	Eskolako ikasleentzako heziketa programak.
	Ingurumen-boluntariotzarako programak.
	Ikerketa- eta prestakuntza-programak.

Eduki hauek gauzatzeko, Eskualdeko biztanleei emango zaie lehentasuna edota abian jarri nahi den "Parkeko lagunen Kluba"ren bazkideei.

Udan, lekuen egokitzapenaz baliatuz, Gazte auzolandegiak ere bultzatu ahal izango dira.

Parkean bertan ostatu emateko azpiegitura berri hauek ikerketa eta prestakuntza teknikoagoa garatzeko bidea ematen digute, esaterako, espezieak gordetzeko ikerketen garapena, habitat, animaliak itxian haztea, basoan espezieak berriro ekartzea edo berriro sartzea, flora eta fauna europarra gorde eta berreskuratzea eta abar. Honetan guztian lagungarriak izango dira praktikak egiteko hitzarmenak, ikerketa proiektuak unibertsitateko ikasleekin, doktoregoak, bekak, jardunaldiak, batzarrak eta abar.