• Enpresa berriak sortzeko eta eskualdea garatzeko laguntza
• Eskualdeko proiektuen gestio integrala
  
• Enpresentzako dirulaguntzen kudeaketa
  
  

Gurekin harremanetan jartzeko, helbide honetara posta electronikoa bidal dezakesu: desarrollo@enkarterri.org

ENKARTERRI, EMPRESA COMPETITIVA

ENKARTERRI, EMPRESA COMPETITIVA Enkarterriko Udal Mankomunitateak eta Bizkaiko Foru Aldundiak finantzaturiko zerbitzua da, hain zuzen ere eskualdeko enpresen lehiakortasuna hobetzeko sorturikoa.

Enkarterrirako eginiko proposamen honen helburu nagusia da enpresa sarearen garapen lehiakorra, eta honen bidez honako hau lortu nahi dugu: ekonomia berpizteko erraztasunak ematea eta gizartea sustatzea. Azken buruan, hazkunde ekonomikoa bultzatu, enplegua sorta eta gure bizitza kalitatea hobetuko duelako.

Gero eta globalizatuago dagoen ekonomia honetan Mankomunitatearen hazkuntza eta garapena neurtzen dira Europako Batasuneko beste eskualde eta herrialderekin lehiatzeko duen gaitasunaren arabera. Ez bada egiten edota egiten hasten ez bagara, kostua garestiegia izango da.

ENKARTERRI, EMPRESA COMPETITIVA zerbitzua helburu honekin planteatzen da. Horretarako, mankomunitate honetako industri jardueran garrantzirik gehiena duten enpresen multzoa identifikatuko dugu. Haien ordezkariekin elkarrizketak eginez lortuko dugu behar dugun informazioa, gure enpresa sareak gaur egun duen lehiakortasunaren gaineko diagnostikoa egiteko eta neurri zuzentzaileak garatzeko.

Asko dira enpresen lehiakortasunean eraginik duten faktoreak, hala kualitatiboak nola kuantitatiboak. Faktoreok ez dira estatikoak, denborak aurrera egin ahala merkatuen eta, azken buruan, kontsumitzaileen behar berrien arabera aldatzen baitira. Horregatik, enpresak eguneratuta egoteaz gain, bere bezeroek eskatzen dutena eskaini behar dute. Alabaina, enpresek beren hornitzaileei neurri berean exijitu behar diete. Testuinguru honetan, enpresaren lehiakortasuna kontsumitzaileen eskaerak asetzeko duen erraztasunak markatzen du, neurri handi batean. Dena dela, gaitasun horretan osagai ugari daude, hala nola: prezioa, bezeroari arreta eskaintzeko gaitasuna, erreakzionatzeko arintasuna, antolakuntzaren kudeaketa, produktuen kalitatea, teknologi berriztapena, eta abar luze bat.

ENKARTERRI, EMPRESA COMPETITIVA proiektuak arlo hau landu nahi du, enpresariok guri esaten diguzuena entzunez eta aztertuz, Enkarterriko Udal Mankomunitatetik abian jarri ahal izateko sektore pribatuari zuzendutako jarduketak. Izan ere, azken batez, honako helburu orokor hauek ditugu: enplegu berriak sortzea eta eskualdeko egitura sozio-ekonomikoa berpiztea eta bultzatzea.

goiko menua

LANGABETUAK KUALIFIKATZEKO IKASTARIAK

Bere Garapen eta Enplegurako Sailaren bitartez, Enkarterriko Mankomunitateak kudeatu ditu hiru ikastaro, emakumeen lan-kualifikazioa hobetzeko.

Ikastaro hauek egin ondoren, Erizain eta Administrari Laguntzaile titulu ofizialak eskuratzeko azterketa egin ahal izango da. Beti ere, titulu hauek proba bakar baten bidez lortzeko aukera aprobetxatuz. Horrez gain, Geriatriako Laguntzaile Diploma lortzeko ikastaro bat egiten ari gara. Ikastaro hauek urrian hasi dira eta horietan orotara eskualdeko 40 emakumek hartuko du parte. Zallako udalerrian ikastaroak Bagabiltza-k ematen ditu, eta datorren urteko ekainean bukatuko dira.

Gure Mankomunitateak Egailan-ekin ere lan egiten du Internet ikastaroak sortu eta antolatzeko. Ikastarook Karrantza, Sopuerta, Gueñes eta Zallan emango dira.

goiko menua

EUROPAKO GIZARTE-FONDOAREN 3. HELBURUA

Bestaldetik, EIE egitasmoa (Enkarterriko Informazio Elkartea) garatzen ari gara, Europako Gizarte-Fondoak, Eusko Jaurlaritzak, Bizkaiko Foru Aldundiak eta Mankomunitateak berak diruz lagundurikoa, zenbait urtetarako proiektua da, hain zuzen, 2000 urtean hasi eta 2006an bukatuko da.

Helburu nagusia honakoa da, enpresa eta jardunean nahiz langabezian dauden langileen artean, sistema informatiko eta telekomunikazio sare telematikoen erabilpena zabaltzea, enpresa guztien arteko lehiakortasunaren hobe beharrez.

Aurtengorako aurreikusi diren jardueren artean, nabarmentzekoa da jardunean nahiz langabezian dauden langileentzako prestakuntza hurrengo arlo hauetan: Kontabilitatea, ordenagailu bidezko Nominak eta Fakturazioa, Web orrien diseinua eta Oinarrizko Ofimatika. Berauek, Gordexolan, Gueñes, Sopuerta eta Zallan irakatsiko dira.

Ondoren, 20 enpresari Auditoria informatikoak egingo zaizkie, beren ekoizpen beharrizanei hoberen egokitzen zaizkien sistema eta ekipamendu informatikoak zehazteko asmoz.

2002ko hasieran aurreikusita dago eskualdeko zenbait enpresarentzat 20 web orriren diseinua egiten hastea. Era honetan, Enkarterriko enpresa horiek direktorio batean sartu eta eskualdeko web orrialdean bisitatu ahal izango dira. Web orrialde hau hasiko da funtzionatzen 2002ko abenduaren bukaeran (www.enkarterri.org)

goiko menua

INEM ETA UDAL KORPORAZIOAK

Egunotan eskualdeko enpresa guztietan ari gara elkarrizketak egiten, euren beharrak ezagutzeko, eta, horren ostean, Mankomunitatetik jardun ahal izateko lehiakortasuna hobetze aldera. Horretarako guztirako, Toki Korporazioetako Programa barruan INEMen laguntzaz kontrataturiko bi teknikarien laguntza dugu.

INEMen laguntza izanik ere Gizarte Ekintza Saileko gizarte laguntzaileekin lanean ari diren etxez etxeko lau laguntzaile kontratu dira. Hauek etxez etxeko laguntzari laguntzen diote 6 hilabeteko programa baten bidez. Hauekin batera abokatu bat era kontratu dugu, honek Mankomunitateko sailen barneko antolakuntza eta zerbitzuen kalitatea hobetzeko lanak beteko ditu.

goiko menua

AUKERA BERDINTASUNA

Bizkaiko Foru Aldundiko Emakume Sailak emakume eta gizonen artean etxeko lanak banatzeko proiektu bat diruz lagundu du. Helburu horri begira, emakumeei zuzenduriko tailer bi burutzen ari dira, eta bertan iturgintza, brikolajea, elektrizitatea eta margogintza edukiak irakatsiko dira.


goiko menua