Enkarterrira errepidetik leku desberdinetatik hel daiteke:

Bilbotik: A-8 autobidea hartuta, Balmasedarako irteeratik zuzenean, Gueñes udalerriko Zaramillo auzoraino doan N-636 errepide nazionaletik jarraitu La Quadra eta Sodupera (hauek ere Gueñesen) heldu ondoren, aukera bi ditugu: Sodupen N-636tik jarraitu edo Cadaguako barnebidea hartu, Sodupe, Gueñes, Zalla eta Aranguren auzoa hiriguneekin lotzen duena. Azken honetan dago Enkarterriko Udalen Mankomunitatea. Bilbo eta Zalla artean 23 Km daude eta errepidetik 20 minutu inguruko bidaia dago.

Bilbotik ere A-8 auobidetik, Muskizeko norabidean. Udalerri honetara heldutakoan, Muskiz Sopuertarekin lotzen duen BI-2701 errepidea hartu. Sopuertatik Galdamesera BI-3631 errepidetik joan daiteke, BI- 2701tik jarraituz Zallara eta BI-3614tik Artzentales iristen da. Muskiz eta Sopuerta artean 6 Km inguru daude.

Kantabriatik Aguera udalerrian sartu eta Guriezon, Turtziozera iristen den BI-2617 eskualde-errepidea hartu.
Guriezo eta Turtzioz artean 12 Km inguru daude eta errepidetik 10 minutu inguruko bidaia dago.

Kantabriatik ere, badago eskualdean sartzea Ramales de la Victoria udalerritik, N-629 errepide nazionaletik. Aipatu errepidetik jarraituz gero Lanestosa udalerrira iristen da.
Ramales de la Victoria eta Lanestosa artean 5 Km-ko tartea dago.

Burgosetik ere sar daiteke Enkarterrin, , hain zuzen, Valle de Menatik ( Villasana de Mena udalerrian) eta Arabatik etorriz gero, Artziniegatik.
Villasana de Mena eta Balmaseda artean 16 Km daude eta Artziniega eta Gordexola artean, 8 Km.