· Derrigorrezko Bigarren Hezkuntza [DBH].

· Matrikulazio bilakaera DBHn Enkarterri.

Ikasle eta guraso horiek:

Laster Derrigorrezko Bigarren Hezkuntza matrikulatzeko epea zabalduko da eta etorkizun pertsonal eta profesionalik onena bermatuko dizueten irakaskuntza zentro eta ikasketak aukeratu beharko dituzue. Erabaki garrantzitsua hartu beharrean zarete, beraz, eta erabaki horretan aintzat hartu beharko duzue gure udalerriari eta Euskal Herriko gizarte osoari eragingo dien faktore bat ere: hezkuntzako hizkuntz ereduaren hautaketa.

Ezagun da Euskal Herrian gero eta hiritar gehiagok ikasten eta berba egiten dugula euskaraz, jende gazteak batik bat. Euskararen ezagutza eta garrantzia handituz doaz apurka-apurka, eta, horrekin batera, euskal gizarteak eskatzen du euskararen presentzia eta erabilera bizitzaren esparru guztietan areagotu daitezen: hezkuntzan, administrazio eta zerbitzu publikoetan, lan, enpresa eta teknologia berrien munduan... Beste formularik ez dago hizkuntza ofizial biak baldintza berdinetan biziko diren gizarte askotarikoa eratu nahi.

Horrela ba, gure erkidegoan euskara gero eta garrantzitsuagoa eta beharrezkoagoa dela aitortua, Haur eta Lehen hezkuntza euskaraz burutu duzuen ikasle guztiok animatu gura zaituztegu datozen urteetan ere euskal ereduetan jarrai dezazuen, soilik era horretara lortuko baituzue elebidun orekatuak izatea eta etorkizunean hizkuntza ofizial bietan jardun ahal izatea. Adituek ohartarazi bezala, oraingo adinean euskarazko ikasketak uzten badituzue - batez ere familiaren ingurunean euskaraz egiteko aukerarik ez duzuenok - laster hasiko duzue hizkuntza trebetasunen galera - prozesu geldo baina etengabea.

Halaber, ikasle zein gurasook argi izan behar duzue euskaraz ikastea exijitu ahal den eta exijitu behar den eskubidea dena.

igo

D Ereduaren Aldeko Apostua

· D Ereduaren bidez soilik menperatu daitezke euskara eta gaztelania.

Hori frogatzen dute ereduaren urte luzetako esperientziak batetik, eta beste herrialde elebidunetalo esperientziek (Kanada, Belgika, Katalunia... ) bestetik.
A ereduak ez du bermatzen euskararen ezagutza osoa. Euskara ikasgai gisa ikasten duten ikasleek euskararen oinarrizko ezagutza baino ez dute lortuko.

B ereduaren alde egiten duten ikasleek zenbait ikasgai (matematika, ingurumenaren ezaguera... ) euskaraz ikasteko aukera galtzen dute. Beraz, beren euskarazko gaitasuna mugatuagoa izango da.

· Euskararen bidez egindako irakaskuntzak ez du oztopatzen neska-mutilek gaztelanian garatzea.

Haatik, hizkuntza batean ikasitakoak beste hizkuntza batean edo batzuetan ikasitakoa indartzen du.

Gaztelania gehiengoaren hizkuntza da, eta gizartean indartutako hizkuntza. Ikastetxeetan lan berezia egiten da ikasleek duten gaztelaniaren ezagutzatik abiatuta. Horrela, ikastetxeetan egin diren neurketek erakutsi dute ikasleek gaztelaniaren ezagutza berdintsua dutela, edozein dela ikasi duten eredua.

Gainera, elebidun edo eleaniztun izateak abantaila ugari ekarriko dizkie, besteak beste, komunikatzeko abantailak, kultur aberastasuna, beste hizkuntza batzuk ikasteko erraztasuna edo lan-aukera bikainak etorkizunean.

· Zuen seme-alabek haur eta lehen hezkuntzan ikasketak D edota B ereduan egin badituzte, ez dezatela gal lortutako hizkuntza gaitasuna.

Oraingo adinean euskarazko ikasketak utziz gero -batez ere ingurune hurbilean euskaraz egiteko aukerarik ez badute- laster hizkuntza trebetasunen galera- prozesu geldo baina etengabea jasango dute.

igo

Derrigorrezko Bigarren Hezkuntza [DBH]

Derrigorrezko Bigarren Hezkuntza [DBH] 4 ikasturtetan dago banaturik (2 ziklo eta ziklo bakoitzean 2 ikasturte).
12 urte dituztela hasten dira DBH egiten eta 15 urterekin bukatu. DBHren helburua da ikasleari kulturaren oinarrizko elementuak eta prestakuntza eskaintzea, beren eskubide eta betebeharrez baliatzeko, lan-bizitzan sartzeko, edo -ikasten jarraitu nahi izanez gero- Lanbide Heziketako Goi Mailako Ziklo bat edo Batxilergoa egiteko aukera izan dezan.

Batxilergoa bi ikasturtek osatzen dute, eta guztira 4 modalitate dira, ibilbide zehatzagoetan antolatzen direnak, ikasleak etorkizunean nahi dituen ikasketak egiteko aukera izan dezan. Honako hauek dira:
- Artea.
- Teknologia.
- Natur eta Osasun Zientziak.
- Giza eta Gizarte Zientziak.

B eta D ereduko ikastetxeak Enkarterriko Udal Mankomunitateko udalerrietan [DBH]

Udalerria

Ikastetxea

Hizkuntza eredua

Telefonoa

Karrantza	Carranza BHI	D	94 610 70 70
Güeñes	Güeñes BHI	B	94 669 26 00
Güeñes	Avellaneda HLBHIP	B	94 669 23 28
Güeñes	COENEN	B	94 669 00 10
Sopuerta	San Viator LBHIP	B	94 610 48 00
Zalla	Zalla BHI	D	94 639 12 12
Zalla	Maristas - San Miguel HLBHIP	B	94 639 01 05

igo

Matrikulazio bilakaera DBHn Bizkaia

igo

Matrikulazio bilakaera DBHn Enkarterri

Hizkuntza-ereduen bilakaera: Azkeneko urteotan Enkarterriko biztanleen euskarazko gaitasunean eragin izan duen faktorerik garrantzitsuenetakoa euskarazko hezkuntza izan da.
Haur hezkuntza ez ezik DBHn ere euskal ereduak (D eta B) aurkeratzeko joera gero eta nabarmenagoa da Enkarterrin. Izan ere, ikasturte honetan ikasleen %68,92k euskal ereduren bat aukeratu du.

igo